Eusko Legebiltzarrak urriaren 1ean eztabaidatu eta onartu zuen polio eta postpolio arrastoak zituzten pertsonen egoera, frankismoaren biktima gisa. Estatuko Memoria Demokratikoari buruzko Legearen (20/22, urriaren 19koa) eta Euskal Autonomia Erkidegoko Memoria Historikoaren Legearen bidez (9/2023, irailaren 28koa) aitortu gintuzten biktima gisa.

Polioak, milaka haurrengan eragin larria izan zuen gaixotasunak, gaur egun ere ondorioak izaten jarraitzen du; izan ere, polioaren osteko sindromearekin larritutako ondorio motorrak eta osasun-ondorioak ditugu gaur egun.

EAJk, PSEk eta EH Bilduk egindako zuzenketaren eztabaida eta bozketa positiboa PPk ere babestu zuen Justizia Batzordean. Euskal Ganberan haurren polioaz eztabaidatzea eta onestea aurrerapausoa da erakundeen utzikeria eta interes falta hark beren erabakietan izan zituen ondorioak jasan genituen pertsonen eskubideen errekonozimendu historikoan eta erreparazioan, eta hori eskubideen urraketa izan zen frankismoaren esparruan.

Arduradun politikoei eta Gogorari gogorarazten diegu bere garaian haurrak izan ginenok, eta gaur egun adineko pertsonak garenok, biktima gisa aitortuta gaudela, publikoki barkamena eskatzea espero dugula, bere garaian ez jokatzeak gure eskubideak urratzea ekarri zuela eta, luzamendurik gabe, gure bizi-kalitatea hobetzen lagunduko duten osasun- eta gizarte-arloko neurri koordinatuak zehaztea eskatzen dugula.

*Sinatzaileak: Maria Pilar Abadia Antolin, Santiago Amillano Martinez, Karmele Antxustegi Urkiaga, Maria Jesus Cabrito Marina, Rosalia Cuadrado Pascual, Maria Concepcion Franco, Inmaculada Gil Mariscal, Porfirio Hernandez Zubizarreta, Amelia Ester Martinez Gonzalez, Piedad Miron Peña, Juan Rivero Vazquez, Maria Victoria Sancha Perez, Tomasa Sanchez Aparicio, Arrate Uriarte Barrueta eta Maite Urresti Longarte.