Ingalaterran, abenduaren 26a Boxing day izenez da ezaguna. Usadio ezberdinen artean, egun horretan azeri ehiza egin izan dute, zaldiak eta txakur andana erabiliz. Praktika bortitza da, krudela. 2004an azeriak hiltzeko debekua onartu zen arren, aristokraziaren ohitura hau arrasto ehizaren bidez mantendu da: txakurrek ez diote benetako animalia baten arrastoari jarraitzen, gizakiak jarritako arrastoari baizik. Edozein modutan, egunak familia aberatsen arrandia lotsagaberako aitzakia izaten jarraitzen du.