Mediterraneoko uretan, euri zaparrada eta tximisten azpian entrenatzen ari dira SOS Mediterranee gobernuz kanpoko erakundearen Ocean Viking erreskate ontziko kideak. Simulakro hauek ezinbestekoak dira etorkizun hurbilean aurrez aurre izan dezaketen errealitate latzari aurre egiteko. Izan ere, abuztuaren 24an Libiako kostazainek egin zioten erasoaren ondotik, uretara bueltatzeko gertu dago ontzia, migrazio bide hilgarrienean galdutako pertsonak salbatzeko. Zenbat eta hobeto prestatu, orduan eta aukera gehiago arrakasta izateko.