Ekuadorreko Amazonian, Sarayaku herriko emakumeek 250.000 hazi baino gehiago bildu dituzte 2025ean. 200.000 landare baino gehiago ere erein dituzte, oihanari bizitza komunitariorako funtsezkoak diren espezieak itzultzeko helburuarekin, tartean sendabelarrak eta fruta-arbolak. Egitasmo honen atzean dagoen hausnarketa da ez dutela basoberritze masiborik behar, baizik eta leheneratze selektibo bat, galtzen joan diren landareak berreskuratzeko. Lan hori formakuntzarekin uztartzen dute, komunitateen barnean ezagutza zabaltzeko.