Arabako Bertsolari Txapelketako lehen finalaurrekoa jokatu zen atzo Dulantzin. Bertan Maddi Agirre Epelde gasteiztarra gailendu zen, 380,5 punturekin, eta finalerako txartela lortu zuen. Berarekin batera aritu ziren Iñaki Viñaspe Simon, Aroa Arrizubieta Barredo, Asier Otamendi Alkorta, Ekaitz Samaniego Curiel eta Unai Anda Delika. Bertsolariek hamalauna bertso puntuagarri kantatu zituzten. Bigarren finalerdia Aramaion izango da, datorren martxoaren 14an, 17.30ean. Finala, berriz, martxoaren 28an izango da, Gasteizko Europa Biltzar Jauregian.