Ondoko irudia hilaren 18koa da, baina bikain datorkigu asteburuan NBAn zer gertatu den azaltzeko. LeBron James Los Angeles Lakerseko jokalariak eta Houston Rocketseko Kevin Durantek bi marka hautsi dituzte. Lehenengoa AEBko ligako historian partida gehien jokatu dituen jokalaria bihurtu da: 1.612. Eta azken unean Orlando Magicen aurka lorturiko garaipen batekin ospatu du (105-104). Durant, aldiz, historiako bosgarren saskiratze nagusia bihurtu da, Michael Jordanen 32.292 puntuak gaindituz. 27 puntu sartu ditu Miami Heaten aurkako garaipenean (123-122).