Indarkeria matxistaren biktima den emakume bat eta haren bi seme-alaba adingabeak alternatibarik gabe etxegabetu dituzte ostiral honetan Gasteizen, Alokabideren etxebizitza batean. Sinestezina badirudi ere, albistea uste baino ohikoagoa da; izan ere, hipoteka edo alokairu bati aurre egin ezin dieten pertsonak zaurgarritasun egoeran bizi ohi dira. Beste aldean, eskrupulurik gabeko jabeak eta huts egiten duen sistema bat daude. Etxegabetzeei egiturazko konponbideak bilatzeak lehentasuna izan beharko luke.