Madrilgo Movistar Arena eta Bartzelonako Palau Sant Jordi «konkistatu» ostean, helburu berri bat jarri dio ETS taldeak bere buruari: 2027ko martxoaren 20an Gasteizko Buesa Arenan eskainiko duen “Etxean” ikuskizuna. Show berria 360 graduko formatuan egingo dute, eszenatokia erdian kokatuz, distantziak ezabatu eta publikoarengandik ahalik eta gertuen egoteko. «Araban orain arte euskaraz egin den elkargunerik handiena» izan nahi du. Gaurko aurresalmentaren ondotik, bihar jarriko dituzte sarrerak salgai, 11.00etatik aurrera.