Donostiako Aiete kultur etxean urrian zabaldu zuten Ilustratzailearen Txokoa espazioa Maite Gurrutxagaren lanen erakusleiho izango da gaurtik hasita 2014ko martxoaren 23ra bitartean. Aurretik beste artista batzuen lanak ere erakutsi izan dira bertan: Iban Barrenetxea, Eider Eibar, Elena Odriozola eta Antton Olariaga. Armairuaren, ispiluaren, erloju-penduluaren eta kutxaren forma duten erakustokietan argitaratutako ilustrazioak biltzen dira bertan (tartean «Kontuari kontu», «Maitagarria eta desioa» edo «Amattoren Uzta»).