Beasaingo Udalak pasa den urtarrilaren 23an onartu zuen Lierni Armendariz eta Oroitz Salegi senar-emazteak eta euren haurra pairatzen ari diren egoera salatzeko senideek aurkeztu zuten mozioa, EH Bildu, EAJ eta PSEren aldeko bozekin. Hala, hirurak «berehalakoan» espetxe berean elkartzea onartu zuten, baita hori horrela izan dadin alkateak zein alderdi ezberdinek euren eskuetan dagoen guztia egite erea. Azkenik, urtarrilaren 31n, hileko azken ostirala izanik burutzen den elkarretaratzean Udalaren parte hartzea ere onartu zuten, baita herritarrei bertan parte hartzeko deia egitea ere.