Orain gutxi, Donostia erre eta suntsitu zuteneko 200. urteurrena gogoratu da. Denbora asko pasa da, baina zitalkeria horren arduradunen izen-abizenak aski ezagunak dira. Batetik, aliatuen armadaren burua zen Wellingtongo dukea eta, erabat ziur ez bagaude ere, susmo guztiak Espainiako Castaños jeneralarengan ere jarrita daude, bere onespenik gabe Wellingtonek ez zuelako egin zuena egingo.

Gure historiaren pasarte tristeenetakoa izanik, harrigarriena hauxe da: nola da posible Bilboko kale izendegian Castaños jeneralari eta Gasteizko kale izendegian Wellingtongo dukeari kale izenak eskaini izana?

Polita litzateke Bilboko eta Gasteizko Udalek Donostiako suntsiketaren urteurren honetan kale izen horiek kentzea!