Bilboko Bidebarrieta liburutegiak literaturan diharduten aita eta alaba baten arteko harremanei buruzko solasaldia eskainiko du gaur «Eztabaidak literatuarekin» egitarauaren baitan, «Literatura, familia kontua» izenburupean. Saioan, Edorta eta Irati Jimenez idazle bizkaitarrek beren esperientzia literarioez, herentziak sortzaile bokazioan duen garrantziaz, haien arteko afinitate eta desberdintasunez, eta bataren eta bestearen lanen arteko balizko lehiakortasunaz hitz egingo dute. Goizalde Landabaso kazetari eta idazleak aurkeztuta, solasaldia 19.30etan hasiko da.