Jose Maria Iparragirre koblakaria omenduko dute bihar iluntzean, 20.00etan, Gernika-Lumoko Batzar Nagusietan. Urretxun jaiotako kantariaren ondareaz gozatzeko aukera izango dute bertaratutakoek. Kirmen Uribe idazlea eta Easo Abesbatza arduratuko dira omenaldi honi hitza eta musika jartzeaz, eta Xalba Rallonek zuzenduko du ikuskizuna. Donostiako Musika Hamabostaldiko programaren barruan dago emanaldi berezi hau.