Guardia Zibilak Elgoibarko Goratu-Máquinas Herramienta enpresa miatu zuen atzo, Asiako herrialdeei, bereziki Irani, «bi erabilera mota» izan dezakeen materiala saltzeagatik. Material hori makineria industrial gisa edo armak ekoizteko erabil daitekeela dio Guardia Zibilak. Gaineratu dutenez, enpresak fresatzaileak eta tornuak saldu zizkion Irani. Hiru zuzendari inputatuta daude. 2012 azaroan, Zerga Agentzia espainolak Durangoko enpresa bat itxi zuen Nazio Batuetako Segurtasun Kontseiluak Irani ezarri zion blokeo urratzeagatik turbinak egiteko materiala esportatzen zuela-eta.