Lakuako Gobernuaren Dantzan Bilaka programak koreografia-ikerketarako diru laguntza deialdia egiten du urtero, eta bihar hasiko dira aukeratutakoen aurkezpenak. Maria Ibarretxek, Izaskun Lapazak, David Guerrak eta Atxarte Lopez de Munainek Bilboko Alondegian (20.00) erakutsiko dituzte euren koreografiak. Igandean, Gasteizko Baratzan Amparo Badiola, Maria Ibarretxe eta Idurre Azkueren lanak izango dira, eta urriaren 19an, Donostiako Gazteszenan, Ziomara Hormaetxe, Judith Argomaniz eta Maria Martin eta Judit Ruizenak.