Muse talde ingelesa 2015ko uztailaren 9, 10 eta 11n Kobetamendin izango da, Bilbao BBK Live jaialdiaren hamargarren edizioan. Datorren urteko edizioko lehenengo kartelburua izango da eta Estatuko jaialdietan eskainiko duen emanaldi bakarra izango da, Last Tour enpresak jakinarazi duenez. Energiaz betetako zuzenekoak eskaini eta generoak nahasteagatik da ospetsu Devon konderriko taldea, tartean space rock, rock progresiboa, sinfonikoa, alternatiboa eta elektronikoa egiteagatik.