INE estatistika institutu espainolak emandako datuen arabera, prezioak %0,7 garestitu ziren martxoan Gipuzkoan, otsailarekin alderatuta. Nafarroan eta Bizkaian, igoera %0,6koa izan da eta Araban, aldiz, apalena, %0,3koa.

Urte arteko inflazio tasari dagokionez, ordea, eboluzioa bestelakoa da, behera egin baitu lau herrialdeetan.

Hala, Araban eta Bizkaian bi hamarren jaitsi da eta %2 eta %2,5ean kokatu da, hurrenez hurren. Gipuzkoan eta Nafarroan beherakada hamarren batekoa izan da, %2,4 arte bi herrialdeetan.

INEren arabera, erregaien eta elikagaien prezioen merkatzeak eragin du KPIren urte arteko jaitsiera.