Gasteizko Foruen plazan eginiko agerraldi batean, modalitate desberdinetako kirolariek publikoki eman diote atxikimendua Lasterbidean ekimenari.

Euskal herritar asko eta beren senideak pairatzen ari den eskubideen urraketarekin –urruntzea edo sakabanaketa kasu– bukatzeko beharra nabarmendu dute.

Azaldu dutenez, Etxerat elkartearen helburuekin bat egiten duen duen herritar talde batetik abiatzen den ekimena da aipatutakoa, baina gertukoa zaien esparrutik, kiroletik, ekarpena egin nahi dutenak.

Hori dela-eta, Lasterbidean elkartasun herri lasterketak kirol mundutik –futbola, pilota, eskubaloia...– jaso dituen atxikimenduak plazaratzearekin batera, ekainaren 2an Oiartzunen egoteko gonbitea luzatu diote euskal herritar orori.