Gipuzkoako Batzar Nagusiek adierazpena onartu dute Israel Gazaren aurka egiten ari den bonbardaketen harira eta, zehazki, DonstiCup txapelketara etortzekoa zen baina baimenik eman ez zioten haurraren heriotzaren harira. Hai Al Bustan taldeko kide zen eta azken unean Israelek ez zion Donostiara etortzeko aukerarik eman.
Herenegun jakin zutenez, gazte hori bonbardaketa batean hil da bere familiarekin batera. Batzar Nagusiek aho batez onartu dute haren «erailketa irmoki» salatzen duen adierazpena, EH Bildu, EAJ, PSE eta PPren botoekin, eta Israelgo Gobernuari deia egin diote bertan behera utz dezan «palestinar herriaren aurka ematen ari den erasoa».
Aldi berean, nazioarteko komunitateari «presio egin dezala» galdegin diote Gipuzkoako batzarkideek.