Bigarren egunez segidan, Degenkolb nagusi izan da eta aurreneko postuan gurutzatu du Rondan jarritako helmuga (4 ordu, 47 minutu eta 47 segundu).

Haren atzetik helmugaratu da Nacer Bouhanni (FDJ). Txirrindulari frantsesa kexatu egin da, Degenkolbek traba egin diola esanez.

Michael Matthewsek lider jarraitzen du Nairo Quintana eta Alejandro Valverderekiko, hurrenez hurren, 8 eta 15 segunduko aldeari eutsita.

Bihar seigarren etapa izango da jokoan, Benalmadena eta Alto de las Cumbres Verdes artean.

Vueltari buruzko NAIZen webgune bereziak itzuliari buruzko informazio zabala eskaintzen du.