Askapenak eta Euskal Herrian Euskaraz eragileak mundu zabaleko zazpi hizkuntza desberdinetan euskaltzaleak euskararen alde egitera animatu dituzte bideo baten bidez. ‘Hamaika hizkuntza, borroka bakarra. Zaindu maite duzun hori’ izenpean «munduko herrien arteko elkartasuna ikustaraziz, euskaldun eta euskaltzaleei euskararen alde lanean» jarraitzera gonibdatu dituzte.

Herrialde Katalanetatik, Maputxe Herritik, Aragoitik, Korsikatik, Bolibiatik, Irlandatik eta Japoniatik iritsi dira mezuak «kultura guztiak errespetatuko dituen mundua» eraikitze aldera.