Euskal Herriko gehiengo sindikala Bilboko Albia eraikinaren aurrean elakrtu da asteazkenean bertan hil zen langileak pairatu zuen istripua salatzeko. ELA, LAB, ESK eta Steilas sindikatuek elkarretaratzea egin dute eta aurten, dagoeneko, Euskal Herrian 50 langile hil direla ekarri dute gogora.

Bestetik, bizkaitar hiriburuko Udal Gobernua udaletxeko eskaileretan elkartu dira. Bost minutuz isilik egon dira bertan. Era berean, adierazpen instituzional bat onartu dute, Osalani «gertatutakoa argitzeko ikerketa guztiak martxan jartzea» eskatuz, baita langileen «segurtasuna eta osasunaren babesa» bermatzea aldarriaktuz.