Binakako Txapelketako bosgarren jardunaldiko neurketa jokatu dute arratsalde honetan Altuna-Barriola eta Ezkurdia-Merino bikoteek Eibarko Astelena pilotalekuan, norgehiagoka ikusteko leporaino bete den kantxan.
Parean atera da dirua, baina gaurkoan galtzaile suertatu direnek hartu dute aurre markagailuan. Hala, 4-10 erakutsi du markagailuak Barriola aldageletara erretiratu denean, botalarriarekin nonbait. Hortik aurrera bestelako itxura hartu du neurketak.
Jokoaren pisua hein handi batean galtzaileek eman badute ere, Altunaren inspirazioak erabaki du neurketa. Hiru aste geldirik egon ostean -belauneko lesio bat medio-, joko izugarriarekin itzuli dela erakutsi du Amezketako aurrelariak.
Hala, neurketa une erabakigarrietara gerturatzearekin batera erakutsi du amezketarrak bere errepertorioaren hoberena, Ezkurdia pilota errazak galtzen hasi den une berean.
Azkenean, 22-18 Altuna Barriolaren alde. Txapelketako bigarren puntua eskuratu dute modu honetan, gaurko aurkariek dituzten puntuak berdinduz.
El Patronato del Guggenheim abandona finalmente el proyecto de Urdaibai
Llaman a celebrar el 7 de febrero en Gernika la victoria popular frente al Guggenheim Urdaibai
Descubren un colosal «valle de los dinosaurios» en el Stelvio con miles de huellas fósiles
85 urte dituen Juaristi enpresaren egoera larriaz ohartarazi dute berriz langileek
