Jokin Altunak eta Ander Imazek eskuratu dute CaixaBank Masterseko hirugarre postua, ostiral gauean Lizarran Oinatz Bengoetxea eta Julen Martijari 19-22 irabazi ondoren.
Emaitza horren ondorioz, Altuna III-Imazek finalerdietan Olaizola II-Zabaletaren kontra jokatuko dute, datorren ostiralean, eta Bengoetxea VI-Martijak Artola-Rezusta liderren aurka, astelehen honetan bertan. Bi partidak Logroñoko Adarraga pilotalekuan jokatuko dira, 19.15etan hasiko diren jaialdietan.
Ostiral gaueko partidan bikote nafarra markagailuan aurretik ibili zen denbora askoan, lehen zatian 10-5 aurreratu ondoren. Baina beste askotan egin izan duten bezala, Altuna eta Imaz gerturatzen joan ziren norgehiagoka gogortzen joan ahala. Lehenik 17-17 berdintzea lortu zuten, eta azken txanpan 19-22 nagusitu.
Pilotakadak hainbeste izan ez arren (494) neurketa dezente luzatu zen (71 minutu), eta Jokin Altunak azkenerako erremate sorta ederra pilatu zuen.
Azken jardunaldiko beste hiru neurketak, sailkapenean ondorio garrantzitsurik izango ez dutenak, larunbatean jokatzen dira.
La Ertzaintza deja impune la desaparición del test de drogas del hijo de un jefe policial
Mueren tres esquiadores, uno vasco, por un alud junto a los ibones de Brazato (Panticosa)
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
