Lanbidek akordio berritzailea berretsi du, 2022ko diru-laguntzen deialdia sustatzeko. Halaber, laguntzek helburu dute EAEko enplegurako prestakuntza-erakundeek eginiko berrikuntza-inbertsioa finantzatzea.
Akordio honek sustatu nahi du aipatu erakundeek beren instalazioak, zuzkidurak eta prestakuntza-baliabideak eguneratzea (bat etortzeko produkzio-sarearen sektoreetan gauzatzen ari diren aurrerapenekin); zertarako eta prestakuntza-ekintzetako parte-hartzaileek ezagutu eta erabili ditzaten enpresek erabiltzen dituzten ekoizpen-baliabide aurreratuenak.
Akordioak, beraz, aukera ematen du lan-merkatuan langile profil hau txertatzeko: egitura eta ekoizpen-bitarteko berrietara egokitutako prestakuntza jaso duten langileak. Helburua lortze aldera, Lanbidek zazpi milioi euro bideratuko ditu (izan ere, Lanbidek berak du enplegurako prestakuntza-programak kudeatzeko ardura).
Hainbat faktorek behartu egiten dute, gero eta ingurune espezializatuagoetan eta konplexuagoetan, ikasteko metodo berritzaileak izatera, ikasleek eskuratutako ezagutzaren benetako transferentzia errazteko eta enpresen espezializazio-maila handitzeko. Aipatu faktoreen artean honakoak daude: berrikuntza teknologikoen aurrerapenetik eratorritako profil profesional berriak; produkzio-prozesuen gero eta automatizazio handiagoak; antolaketa- eta kudeaketa-mota berriak; hiru trantsizioen esparruan merkatu-nitxoak agertzea; eta, azkenik, egungo tekniken eraldaketa azkarra.
Lanbide - Euskal Enplegu Zerbitzu Publikoak ezinbestekotzat jotzen du langabeen zein landunen prestakuntzan laguntzen duten erakundeek baliabide eta instalazio eguneratuak eskuratu ditzaten (hain zuzen ere, euskal enpresa-sarearen behar berrietara egokitutako baliabideak eta instalazioak), zertarako eta prestakuntza-ekintza berriak eman ahal izateko. Eta, horretarako, ezinbestekoa da, aldez aurretik, erakunde horiek beharrezko azpiegitura-zuzkidura berriak eskuratzea (lan-merkatuko profil profesional berriak prestatzeko).
- EHAAn argitaratzea: 2022/09/20.
- Eskabideen epearen hasiera-data: EHAAn argitaratu eta hurrengo egunetik aurrera (2022/09/21).
- Eskabideen amaiera-data: 2022/10/30.
- Informazio gehiago: https://www.lanbide.euskadi.eus/orokorra/-/diru_laguntza/2022/berrikuntzaren-gaineko-inbertsioa/
Lanbidek prestakuntza-eskaintza zabala egiten du langabeak lan-munduan txertatzea errazteko
BaKQ, Lanbideren zerbitzu digital guztietara sartzeko «giltza nagusia»
Aukeraberri, langabetuak berriro lan-merkatuan sartzen laguntzeko Lanbideren programa
LanMentoring, laguntza-zerbitzu espezializatu berria belaunaldi-erreleboari arrakastaz ekiteko
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
