Benito Menni zentroko langileek 100 greba egun baino gehiago egin dituzte azken urtean, hiru eraikinetako bat itxi zutenetik. Hermanas Hospitalarias Fundazioak kudeatzen du eta Nafarroako Gobernuak diru publikoz laguntzen du.
Eraikinaren itxiera, kaleratzeak eta erabiltzaileei eskaintzen zaien zerbitzuaren okertzea salatzen jarraitzeko, hiru eguneko martxa abiatu dute asteazken honetan, Elizondotik Iruñerantz. Han, Nafarroako Parlamentuaren parean, harrera egingo zaie ostiral honetan ELA sindikatuak azaldu duenez.
Zehazki, fundazio honek irabaziak handitzeko politikari eusten diola deitoratzen dute, erabiltzaileak jasotzen duten zerbitzuaren kalitatearen eta langileen lan baldintzen kontura. Nafarroako Gobernuari diru publikoz sostengatzen duen zerbitzuaren ardura ez duela bere gain hartzen leporatzen diote.
Funtsean, langileek «benetako negoziazioa» eskatzen dute beren baldintzak hobetuko dituen hitzarmen bat lortzeko, soldatak hobetuz, lanaldia murriztuz eta lan kargak txikituz.
Martxa asteazken honetan hasi eta ostiralean amaituko da, 100. greba egunean, hain zuzen ere. 11.00etan iritsiko dira Nafarroako Parlamentuaren atarira eta harrera egingo zaie abenduan guztira 24 greba egun egingo dituzten langileei.
Esteban se arrepiente de haber ridiculizado el caso de Getxo pero el PNV sigue minimizándolo
Zubietarrak eta iturendarrak, joare soinuz naturaren ernatzea irudikatzen
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
