Bernat Etxepare lizeoko ikasle asanbladak zabaldu du maiatzaren 17a mobilizazio orokor eguna izateko deia. (Patxi BELTZAIZ)
Azterketak euskaraz egitea dute aldarri, ikasketa prozesu osoa tokiko hizkuntzan egin ondotik, baxoa frantsesez egitera behartuak baitira. (Patxi BELTZAIZ)
«Parise, entzun!», «hemen gaude euskararen alde» eta «azterketak euskaraz» oihukatuz zeharkatu dituzte hiriko karrikak. (Patxi BELTZAIZ)
Ikasleek haien borroken ikurrak atera dituzte. Baxoa Euskaraz, LGBT+ bandera, ikurrina... (Patxi BELTZAIZ)
Santa Izpiritu auzoa, Baiona Ttipia eta Baiona Handia iragan dituzte manifestariek, hiriko suprefeturara arribatu aitzin. (Patxi BELTZAIZ)
Bertan, kantuz eta bertsoz egin dituzte euskaraz bizi eta ikasteko aldarriak. (Patxi BELTZAIZ)
Frantziar administrazioak euskaldunon hizkuntza eskubideen kontra duen jarrera salatzeko hautatu dute suprefetura helmuga gisa. (Patxi BELTZAIZ)
Aski dela errateko, protestariek komuneko papera botatzeari ekin diote. (Patxi BELTZAIZ)
Horrela geratu da frantziar Gobernuaren Baionako egitura administratiboaren ataria. (Patxi BELTZAIZ)
Azken aldarri gisa, mezu argia utzi dute egoitzaren gutunontzian. (Patxi BELTZAIZ)
Seaskako ikasleekin bat eginez, Baionako Villa Pia lizeoko ikasleek azterketak euskaraz egiteko mezua hedatu dute. (Villa Pia)
Azterketak Euskaraz egitea aldarrikatzeko manifestazioa Baionan
Azterketak euskaraz egin ahal izateko eskubidea aldarrikatzera ateratzen ari dira Euskal Herri osoko ikasleak, Bernat Etxepare lizeotik maiatzaren 17rako egin deialdiari erantzunez. Baionako karriketan manifestazioa egin dute, baxoa egiteko tenorea hurbiltzen ari zaien honetan, aski dela errateko.
MAY. 17 2024
