Bestazale gazteek une oro gozatu dute giroa Patxa plazan. (Guillaume FAUVEAU)
Edozein unean, peña edo elkarte baten aitzinean, une berezia bizi daiteke, normalki musikari esker. (Patxi BELTZAIZ)
Bestetan edonor izan daiteke artista. Elkartasunaren erritmopean bada, askoz hobe. Gure Irratia aitzina! (Guillaume FAUVEAU)
Elkartasunak hamaika aurpegi ditu. Igandean, presoen aldeko mokau bat jateko aukera izan zen, ohi bezala, Patxa plazan. (Guillaume FAUVEAU)
Pilotazaleek ederki gozatu zuten frontoian. Ospital eta Larraldek jantzi zuten txapela Bestetako Masterretan. (Guillaume FAUVEAU)
Bortizkeria sexistei buruz prebentzio lana burutu du, aurten ere, Maina zerbitzuak. Larunbat gauean bere guneak pairatu zuen erasoa salatu dute erakundek zein elkartek karrikan. (Guillaume FAUVEAU)
Zapi ubela lepoan, hamarnaka herritar aritu dira segurtasun protokoloa aplikatzeko koordinazio lanetan. (Guillaume FAUVEAU)
Haurrendako jolasak eta herri kirolak ez dira falta Besta Alternatiboen programan. (Patxi BELTZAIZ)
Euskara eta euskal kultura, erdigunean. Bertso-saioa, Patxa plazan, (Guillaume FAUVEAU)
Karrikaldi Ttipia. Jacques Portes plaza euskal kulturaren aterpea izan da besten denboran. (Patxi BELTZAIZ)
Patxoki zaharrak bere azken bestak bizi ditu. Laster Patxoki berria altxatuko da herri dinamika berriak sustatzeko. (Patxi BELTZAIZ)
Txokolate beroa hartu eta entzierroan lasterka egitera! Bestazale gazteek goizero hartu dituzte karrikak. (Guillaume FAUVEAU)
Leon erregearen iratzartzaldi bakoitzean jendez lepo bete da Askatasun plaza. (Patxi BELTZAIZ)
Baionako bederatzi elkartek parte hartu zuten larunbat eta igande gauarekin hiri erdialdeko karrikak zeharkatu zituen Karro Argitsuen ibilaldian. (Guillaume FAUVEAU)
Baionako Bestetako osagairik garrantzitsuenetarikoa da karrikako animazioa. (Guillaume FAUVEAU)
Neskaranga, karrikan giro itzela sortzen duen emaztez osaturiko txaranga. (Guillaume FAUVEAU)
Baionako Bestak: irudien bilduma
Bost egunez luzatu den ospakizuna bestazaleen oroitzapenetan geldituko da. Baionako karrikak hustu eta berehala garbitzaileek txoko guziak txukuntzeko maratoia eman dute abian. Heldu den urte arteko distantzia sobera luzea denez, argazkiek itxaroaldia samurragoa egiten lagundu dezakete.
JUL. 14 2025
