81 urterekin sei minututan egin zuen Korrikaren kilometroa; 85ekin eskolak ematen zituen Nafarroako Unibertsitatean; 100ekin liburua argitaratu zuen. Baina ez, ez zen fisikoki indartsua, baizik eta espirituz eta lanerako gogoz aparta. Jose Migel Barandiaran, euskal arkeologiaren eta etnologiaren aitak, bihar beteko lituzke 125 urte, bizi izan balitz. Ataunen, bere jaioterrian, ez daukate ahazteko, eta hara hurbildu da NAIZ, neguko goiz hotz honetan, Barandiaran jakintsu maitatuaren berri izateko.