Olaizola II-Rezusta nagusitu dira atzelarien erakustaldian (22-16)

San Mateo Torneoko lehen partidan, Beñat Rezustak eta Jose Javier Zabaletak gaur egungio atzelari onenak direla erakutsi dute beste behin, eta aurrelariek oso aukera gutxi izan dituzte luzimendurako.

Asier AIESTARAN|21/09/2019
Pelota
Zabaleta eta Rezusta egurrean jardun dira (Monika DEL VALLE / FOKU)

Aimar Olaizolak eta Beñat Rezustak lortu dute San Mateo Torneoko aurreneko garaipena, A multzoko partidan Victor eta Zabaletari 22-16 irabazi ostean. Neurketa oso gogorra izan da, 743 pilotakada eta 83 minutukoa, eta atzelariak izan dira protagonista.

Rezustak eta Zabaletak argi utzi dute beste behin gaur egungo atzelari onenak direla, jotzaileak eta defentsan ere bikain moldatzen direnak. Pilota oso bizi erabili dute eta ez diete aukerarik eman aurrelariei luzimendurako.

Sartu nahi eta ezin horretan, Aimar Olaizola Victor Esteban baino zuzenxeago aritu da, nahiz eta goizuetarrak ere zazpi tanto galdu dituen azkenerako. Aimarrek bederatzi tanto egin ditu, eta zazpi galdu; Victorrek hiru egin eta zortzi galdu.

Neurketaren lehen erdian gorriek alde politak izan dituzte: 6-1, 11-6 eta 14-8, adibidez. Baina urdinek dema 14-14 berdintzea lortu dute eta bazirudien lehia are eta gogorragoa izango zela. Baina azken txanpan uste baino azkarrago lortu dute sei tantoko partzial bat, azkenean 22-16 gailentzeko.

«Laukoteko onena Beñat Rezusta izan da. Bi atzelariak jotzaileak dira, dauden handienak seguru asko, eta gu aurrean sartu ezinik ibili gara. Ni ere ez naiz batere gustora jardun, baina Victorrek pilota gehixeago galdu ditu eta hor egon da aldea», aitortu du Olaizolak berak partida amaieran.

 

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.