Osagaiak 4 lagunentzat
4 txitxarro, gatza. Betegarria: tipula bat, 150 g kuiatxo, 200 g otarrainxka, olioa, gatza. Piperrada: tipula bat, 300 g piper berde, 200 g piper gorri, 2 piper txorizero, 2 tomate heldu, olioa, gatza.

Zailtasuna                                   3              

Piperrada:
1. Piper txorizeroak garbitu eta  ur epeletan beratzen utzi.
2. Zerrendatan moztutako tipula olio pixka batekin erregosi, su eztitan.  
3. Piperrei haziak kendu, garbitu eta tiratan moztu. Tipula eginda dagoenean, piperrak gehitu eta erregosi.
4. Tomateak zuritu eta haziak kendu eta dado txikitan moztu. Piperrei gehitu eta erregosi.
5. Piper txorizeroak xukatu eta aizto batekin mamia atera. Barazkiekin batera jarri eta 5 minutuz erregosi.
Betegarria:
1. Txikitutako tipula olio pixka batekin erregosi, su eztitan.
2. Kuiatxoa garbitu eta tira finetan moztu. Tipula eginda dagoenean, kuiatxoa gehitu eta arin erregosi.
3. Otarrainxkak zuritu, barruan daukaten hari beltza kendu eta luzeran erditik moztu.
Bukatzeko:
1. Txitxarroak garbitu eta xerrak atera. Gatza bota.
2. Hurrenez hurren txitxarro xerra, kuiatxoa, otarrainxka eta txitxarro xerra jarri.
3. Azpil batean piperrada jarri, eta gainean txitxarroak.
4. Labe beroan sartu, 200ºC-an, 10-12 minutuz.