LEHENENGO ERA
Osagaiak 4 lagunentzat
Kilo bateko abakandoa, uraza desberdinak. Saltsa: 6 koilarakada olio, koilarakada bat ozpin, mango bat, 2 arrautza egosi, sagar bat, piper gorri laurdena, piper berde erdia, gatza.

Zailtasuna                        2               

1. Eltze batean ur gatzatu ugari jarri. Ura berotzean, abakandoa sartu eta, irakiten hasten denetik,  12 minutuz egosten utzi.
2. Atera eta hozten utzi. Gorputzaren eta hanken haragi atera eta zerrendatan moztu. Buruaren haragia atera.
3. Arrautzak, sagarra eta mangoa zuritu eta dado ertainetan moztu.
4. Piperrak txikitu.
5. Saltsaren osagaiak buruaren haragiarekin irabiatu.
Plateretan urazak eta abakandoa jarri eta gainetik saltsa bota.

BIGARREN ERA
Osagaiak 4 lagunentzat
400 g patata, 700 g-ko abakandoa, tomate bat, 2 arrautza egosi, tipula gorri laurdena. Saltsa: 200 ml maionesa, ketchup pixka bat, laranja zuku pixka bat, koñaka pixka bat, gatza.

Zailtasuna                             2

1. Patatak ur eta gatzarekin 20 minutuz egosi. Zuritu eta xerratan moztu.
2. Abakandoa aurreko errezetan esan dugun bezala prestatu.
3. Tomatea, arrautzak eta tipula txikitu eta saltsarekin nahastu.
4. Saltsaren osagaiak eta buruaren haragia nahastu.
Plateretan patata eta abakandoa jarri eta gainetik saltsa bota.