LEHENENGO ERA
Osagaiak 4 lagunentzat
Rukula, 2 mertxika, aguakate bat, 60 g kuia hazi, 75 g Parmesano gazta. Saltsa: 10 koilarakada olio, 3 koilarakada ozpin, gatza.

Zailtasuna                        2               

1. Rukula ondo garbitu eta lehortu.
2. Haziak gorritu, su oso eztitan.
3. Aguakatea zuritu eta zerrendatan moztu.
4. Gazta birrindu.
5. Mertxika zuritu, hezurra kendu eta zerrendatan moztu. Plantxa batean olio pixka batekin erre, bi aldeetatik.
6. Saltsaren osagaiak irabiatu.
Plateretan rukula, mertxika, haziak, aguakatea eta gazta jarri. Gainetik saltsa epela bota.

BIGARREN ERA
Osagaiak 4 lagunentzat
Uraza, 2 mertxika, 150 g Mozzarella gazta fresko, 60 g urdaiazpiko ondu, 30 g pinazi. Saltsa: 10 koilarakada olio, 3 koilarakada ozpin, koilarakada bat ezti, gatza.

Zailtasuna                          2

1. Uraza ondo garbitu eta moztu.
2. Gazta moztu.
3. Pinaziak gorritu, su oso eztitan.
4. Mertxika zuritu, hezurra kendu eta zerrendatan moztu. Plantxa batean olio pixka batekin erre, bi aldeetatik.
5. Saltsaren osagaiak irabiatu.
6. Plateretan uraza, mertxika, pinaziak eta gazta jarri.
7. Zartagin batean txikitutako urdaiazpikoa olioarekin frijitu. Entsaladaren gainean jarri.
8. Zartaginera saltsa bota, epeldu eta gainetik bota.