LEHENENGO ERA
Osagaiak 4 lagunentzat
4 oilasko bularki, tipula bat, 2 baratxuri ale, 300 g tomate,150 g mozzarella gazta birrindu, arrautza bat, olioa, gatza, piperbeltz beltza, ezkaia.

Zailtasuna                       2

1. Txikitutako tipula olio pixka batekin erregosi.
2. Tomatea zuritu, haziak kendu eta txikitu. Baratxuriak txikitu. Tipulari gehitu eta erregosi. Gatza eta ezkaia bota.
3. Arrautza 8 minutuz egosi. Freskatu, zuritu eta txikitu.
4. Bularkiak erditik zabaldu eta gatza eta piperbeltz beltza bota.
5. Tomatea, arrautza eta gazta nahastu. Bularkien erdian jarri, bildu eta txotxekin itxi.
6. Airfryen sartu, 200 gradutan, 12-15 minutuz.

BIGARREN ERA
Osagaiak 4 lagunentzat
4 oilasko bularki, 3 baratxuri ale, 100 g tomate, 100 g tomate oliotan, 150 g  gazta fresko, olioa, gatza, oreganoa.

Zailtasuna                        2             

1. Txikitutako baratxuriak olio pixka batekin erregosi.
2. Txikitutako tomatea gehitu eta erregosi. Gatza eta oreganoa bota.
3. Tomate oliotan tiratan moztu.
4. Tomateak eta gazta nahastu.
5. Bularkiak erditik zabaldu eta gatza bota. Bularkien erdian tomatearen nahasketa jarri, bildu eta txotxekin itxi.
6. Airfryen sartu, 200 gradutan, 12-15 minutuz.
Bi errezetak tiratan moztutako eta arin erregositako kuiarekin eta boniatoarekin lagundu.