Askatasunari buruz galdetzen dizuegu txoko honetan, irakurleok askatasunaz zer ulertzen duzuen, nola bizi duzuen, jakiteko. Eta argazki honen egile June Prieto barakaldarrak argi dauka harentzat askatasuna furgonetan sartu eta nahieran ibiltzea dela, non amaituko duten jakin gabe, eguzkia munduko edozein lekutatik ikusteko aukera izanik. Izan ere, ez da nolanahiko sentipena norberak ortziari, zerumugari, izarrei edo ilargiari nahi duen tokitik begiratzea, hiri, mendi edo zelaietan muga gabe ibiltzea. Zalantza gabe, askatasun sentipen ederra da.