«Maitatu, aske izan, bizi!» leloa bere egin du @janisagi-k. Bere Instagrameneko irudietan «kuxkuxeatu» dugu, eta horren arabera, natura eta kirola ditu bizitzaren ardatz emakume mendizale, korrikalari eta eskalatzaile gazte honek. Helarazi dizkigun irudietan Dome de Neige des Ecrins (4.016 m) mendiko gailur zuritua –«esperientzia berri izugarria. Goizeko ordu txikitako elur eta hotzak lagundu ez arren helburu polit bat betetzeko aukera izan genuen»–, Aizkorri, Balaituserako bidean dagoen Ibon Chelau eta Rifugio Vittorio Emanuele ikonikoak ikus daitezke.