Kasimiro du izena eta Teideko malda harritsuetan gora doa. Mirentxu Ruizek bidali du argazkia eta horrela azaldu du horren funtsa: «Amigurumiak egiten ditut denbora-pasa. Ia denak saldu egiten ditut, baina beti gordetzen dut gustukoren bat. Oporretan edota egun-pasa joaten naizenean, beti sartzen dut gantxilozko panpina hauetako bat motxilan eta argazki dibertigarriak ateratzen dizkiet sare sozialetan txintxilikatzeko». Kasimiro da, Ruizen esanetan, dituen panpina guztien artean sarean arrakasta handiena duena. Bejondeiola!