Argazkian azaltzen direnak Intza eta Haritz Igerategi haur asteasuarrak dira. Toki zoragarri batean daude, Pontevedrako Donon herriko karakola itxura duen “A Buguina” eskulturaren barnean. Lito Portelaren instalazioa behatoki natural batean dago eta, diotenez, mendebaldeko Europako ilunabar ederrenetarikoez goza daiteke bertatik. «Bakarrik gaudela dirudi, baina jendez beteta dago», dio umorez Ixiarrek, amak. Galizian eman dituzten oporretan ateratako irudi honekin gure irakurle fidel hauek lasaitasun tartetxo bat helarazi nahi izan digute... oporren osterako, guztiz beharrezkoa.