Pasatu den hilabetean jokatu zen Australiako irekian hartutako irudiak dira erreportaje hau ilustratzen dutenak. Lehia amaitu arren, irabazleen zerrendak kasu honetan ez dauka berebiziko garrantzirik, txapelketako une ezberdinetan hartutakoak izan baitira argazkiok.

Izoztutako uneak dira argazkiak, paper edo pantaila gainean betikotuak. Australiako kasuan, tenisari mugimendua geldiarazi eta ohikoan ikusten dugun horretatik kanpo geratzen diren istantak ikus daitezke erreportaje honetan. Sakeak, errestoak, pilotak erraketaren kontra egindako talka, iritsi ezinezko piloten joana, giharren estutzea, gorputz keinuak... Aurkari baten kontra baino harago doan lehia instintibo bat.