Etenik gabe, memoriaren mapak osatzen jarraitzen du

Memoria Historikoaren arloko Koordinazio Batzorde Teknikoak hiru gune Nafarroako Memoria Historikoaren Leku izendatzeko eta inskribatzeko akordioa onartu du. Hauek dira: Larragako memoriaren parkeko eskultura (irudian); 1936ko estatu-kolpearen ondoren eta frankismoan fusilatutako Iruñeko bizilagunen omenezko plaka, Gazteluko Itzulian kokatua; eta Iruñeko atxilotze-zentroen memoria-espazioa. Hiru inskripzio berri horiekin, 20 izango dira memoria historikoaren lekuak Nafarroan. Beste aurrerapauso txiki bat da, senideen, memoria-elkarteen eta herritarren oroimena babesteko bultzadarik eta kemenik gabe ezinezkoa izango zena.