Gasteizko Mendiak parke natural izateko eskatu diote Lakuari

Arabako Aldundiak eta hiriburuko Udalak Gasteizko Mendiak parke natural izendatzeko eskatu diote Lakuari eta uko egin diote Gobernuak proposatzen duenari; alegia, mendiak kontserbazio bereziko eremu (KBE) katalogatzeari.

Lakuak ekainean iragarri zuen ez zuela aurrera jarraituko mendiak parke natural deklaratzeko tramitazioarekin, administrazio batzordeak eta lurjabeak ez zeudelako ados, horrek erabilerak mugatuko lituzkeela-eta.

Arabako bi instituzio nagusien aburuz, aldiz, KBE izendapena ez da nahikoa, adibidez ez dituelako espresuki frackinga, tentsio handiko lineak eta egitura eolikoak debekatzen. Hori dela-eta, berriro eskatu diote Lakuari inplikatutako alde guztiak aseko dituen dokumentu bat lantzeko.