Igandean jokatu duten bi euskal taldeek ez dute batere zorterik izan eta biek galdu dituzte beren norgehiagokak. Hala ere, itxura aldetik Caja Laboralek maila ona erakutsi du Real Madrilen zelaian luzapenean galduta (83-81) eta Lagun Arok bostgarren porrota jarraian jaso du etxean (75-86).

Azken unerarte lehiatu da Dusko Ivanovicen taldea, baina madrildarrak nagusitzea lortu dute azken jokaldian.

Gipuzkoarrek berriz, arazo ugari izan dituzte erasoan eta Fuenlabradak defentsa sendoarekin eta eraso eraginkorrarekin garaipena eskuratu dute.