ACBn ligan jokatzen duten euskal taldeetatik, Caja Laboral izan da asteburu honetan garaipena lortu ahal izan duen bakarra. Gasteiztarrek lan handia egin behar izan dute Valencia Basket mendean hartzeko, baina azkenean partida irabaztea lortu dute (79-75).

Lagun Arok berriz, ezin izan du irabazi Unicajaren aurka (74-70). Gipuzkoarrak sailkapenaren zuloan daude eta ez dute lortzen bertatik irtetzea. Gero eta aukera gutxiago geratzen zaizkie.

Uxue Bilbao Basketek ere ezer gutxi egin ahal izan du Real Madrilen nagusitasuna zalantzan jartzeko. Madrildarrak sailkapeneko lehen postuan daude eta aise irabazi dute Miribillan (74-94).