Bruselan bildu dira Europako Ekonomia ministroak eta, beste gai batzuen artean, Estatu espainiarreko bankuen erreskatea izan dute hizpide. Jeroen Diksselbloem Eurotaldeko lehendakariak prentsaurrean adierazi duenaren arabera «bide onetik» doa erreskatea.

Horrez gain, agintari espainolei erreforma politikekin jarraitzeko gomendioa luzatu diete.

Bankuen erreskatearen harira eginiko hirugarren txostena izan dute gaur eztabaidagai, pasa den maiatzean troikako inspektoreek Madrilera egin zuten bidaian landutako txostena.

Txostenak finantza sektorea gertutik zaintzeko gomendatzen dio Gobernu espainiarrari, «egoera ekonomiko kaskarra eta higiezinen sektorearen gainbehera medio».