«Gipuzkoako Foru Aldundiak ez du Espainiako Gobernuko baimenik behar herriari galdetzeko», hala dio Aldundiak Igeldoko galdeketaren inguruan Espainiaren EAEko ordezkaritzak igorri duen txostenari emandako erantzunean.
Aldundiak dio «guztiz faltsua» dela Espainiaren baimenik behar denik galdeketa egiteko Igeldon eta aurreratu du parte-hartze prozesuarekin aurrera jarraituko dutela, «Foru gobernuan demokrazia zuzenean sinisten dugu eta hiritarren erabakitzeko eskubidearen errespetuan», adierazi dute.
Errespetua eskatu dio Aldundiak, gainera, Espainiaren EAEko ordezkaritzari, eta gehitu du Foru Aldundiak ez duela «ez injerentzia ez botere gehiegikeriarik onartuko inongo espainiar erakunderen aldetik».