Auzitegi Nazional espainoleko Eloy Velasco epaileak Emili Martin eta Jon Mintegiaga deklaratzera deitu ditu inputatu gisa, bigarrenaren abokatuek Kazeta.infori baieztatu diotenez. Herriraren aurkako operazioaren baitan inputatu ditu eta irailaren 30ean atxilotu zituzten 18 lagunei bezala, «talde terroristako kide» izatea, finantzatzea eta «terrorismoa goratzea» egozten die. Azaroaren 5ean joan beharko dute Madrilera.

Jon Mintegiaga Herriraren Hernaniko egoitzan zegoen Guardia Zibila bertan sartu zenean, baina aske utzi zuten.

Emili Martinek oraindik ez du jakinarazpen ofizialik jaso.