TS Fundicioneseko langileak itxialdia egiten ari dira lehen ordutik Zestoako lantegian. Barrura sartzea debekatuta badute ere, beharginek salaketa ekintza abiatu dute, beraien lanpostuak mantentzeko helburuarekin.
Egoerari irtenbide bat bilatzeko Arantza Tapia Lakuako Garapen eta Lehiakortasuneko sailburua bertaratzeko eskatu dute, eta itxialdia ordura arte mantenduko dutela agindu dute.
Ertzaintzaren zenbait patruila ere bertaratu dira eta lantegiaren kanpoaldean daude.
Bost auto bidali ditu Ertzaintzak. "Hemen, gaude, lanpostuen alde", langileen erantzuna #itxialdiaTS pic.twitter.com/YoLI0YWOKr
— Aimar Etxeberria (@aimar_etxe) April 29, 2014
Goizean zehar Azpeitia, Zestoa eta Zumaiako alkateak izan dira tailer kanpoan eta eurek bideratu dituzte harremanak Ertzaintzarekin. Egun osoan zehar dabiltza hauek tailer inguruetara gerturatzen.
Arratsaldean, aldiz, manifestazioa egin da Zestoan langileekiko elkartasunez EH Bilduk deituta. Protestaren amaieran, poligonora bertaratzeko deia egin dute bertan.
150 langileko enpresa de TS Fundiciones eta guztien kaleratzea eskatua dago epaitegietan.