NAIZ
BILBO

Donostia eta Bilbo gela alokairu garestienak dituzten hirien artean aurkitzen dira

Donostia da gela alokairu garestiena duen hiria Estatu espainolean, 346 euroko alokairua hain zuzen ere. Bilbo laugarren postuan kokatzen da, 311 euroko alokairuarekin, Idealista webguneak egin duen txosten baten arabera.

Batezbesteko prezioa 280 eurokoa da. (IDEALISTA)
Batezbesteko prezioa 280 eurokoa da. (IDEALISTA)

Donostia eta Bilbo gela alokairu garestienen sailkapenean gorako postuetan kokatzen dira. Donostia lehen postuan kokatzen da, 346 euroko alokairu prezioarekin, eta Bilbo laugarren postuan (311 euro), Idealistak egin duen txosten batek dioenez. Bartzelona da bigarrena (344 euro) eta Madril hirugarrena (339). Merkeena Albaceteko alokairua da (170 euro).

Txostenaren arabera, espainiar Estatuan gela alokairuarekiko interesa %12 igo da: 2015eko lehen sei hilabeteetan 16.449.121 bilaketa egin dira, eta aurreko urtean, denbora tarte berean, 14.664.547.

Interesa igo den arren, prezioak ez dira asko igo (%0,2), oro har. Aktibitate gehien duten hirietan, ordea, gehiago igo dira: Madrilen %3 eta Bartzelonan %1,5.