Kopla txikiak, gastronomia eta mozorroak elkarturik
Larunbatean kopla txikien lehiaketa ospatu zuten Zabalguneko eraikinean, Aratusteetako egitarauaren barruan. Igandean pontxe eta torrada lehiaketa izan zen plaza Barrian. Deustuan edo Otxarkoagan berriz, mozorroak izan dira protagonistak.
Bilbo Aratusteetako giroan murgildu da asteburuan zehar. Larunbatean ehundik gora parte hartzaile batu ziren Zabalguneko eraikinean ospatu zen Kopla Txikien Lehiaketa berriaren hirugarren edizioan. Ironia, sarkasmoa, kritika sozial eta politikoa eta, batez ere, umore dosi handiak musika, koreografia eta mozorro ikusgarriekin nahastu ziren.
Lehen saria Sinkuartel Konpartsak lortu zuen «En Turquía me colé» kopla abestuta.
Igandean pontxe eta torrada lehiaketa ospatu zen plaza Barrian. 90 parte hartzailetik gora batu ziren eta Bilboko Konpartsak eta Makilako Kofradiaren kideek zailtasunak izan zituzten irabazleak erabakitzeko. Doako pontxe eta torrada banaketa egin zuten bertaratu zirenen artean.
Auzoetan ere mozorroak izan dira protagonistak. Deustuko desfilean jende andana batu zen igande goizean.
San Mames Berria #DeustukoIhauteriak pic.twitter.com/uqFrZt1pNa
— agustin goikoetxea (@goikodeustu) February 19, 2017
#DeustukoIhauteriak pic.twitter.com/RaX14vhnnZ
— agustin goikoetxea (@goikodeustu) February 19, 2017
Otxarkoagan ere mozorroak kalera atera zituzten.
#Otxarkoaga-ko inauteriak 2017 pic.twitter.com/7aLhbrcVWl
— Karlos Renedo (@otxargorri) February 18, 2017
El PNV aúpa al PSE y relega a EH Bildu en la elección de la Mesa de la XIII Legislatura
Espainiar erregearen aurkako protesta ikusgarria, Felipe Borboikoa Chillida Lekun dela eta
¿Quién es el obispo excomulgado al que se encomiendan las clarisas de Urduña?
Ucrania repliega tropas en Jarkov ante el avance ruso y Zelenski aplaza sus viajes
