Azken egunetako euriteek 300 hildako baino gehiego utzi dituzte Sierra Leonan, eta zifrak honek gora egin lezake, 600 inguru dira-eta oraindik desagertuak daudenak. Erreskate taldeen ustetan, hauek luiziek utzitako lokatzak estalita egon daitezke.

Bestetik, 3.000 lagun inguruk galdu dute etxebizitza. Hiru egunez jarraian izan ziren eurite handiak eta honek uholdeak eta luiziak sortu zituen Freetown hiriburu inguruko hainbat herritan. Honetaz gain, autoritateek putzuek jasan ahal izan dituzten kalteak arduratuta daude. Ura kaltetu bada honek hainbat gaixotasun eragin ditzake Sierra Leonan.

Egoera honen aurrean, nazioarteko laguntza antolatzeko lanetan hasi dira hainbat talde eta herrialde.